ITP (Immune thrombocytophenia)  - ийн эмчилгээнд шинээр нэвтэрч буй Тромбопоэтин – рецептор агонист  

Дархлааны ( буюу идиопатик) тромбоцитопени нь дархлааны оролцоотойгоор ялтас эсийн гэмтэл, ялтас эсийн үйл ажиллагаа алдагдаж улмаар ялтас эсийн тоо < 100.000/мм³ ба цус алдах эрсдэлд хүргэдэг эмгэг юм. Оношлогдсоноос хойшхи хугацаагаар нь шинэ оношлогдсон эсвэл түр зуурын (3 сар хүртэлх) , байнгын (3-12 сар) , архаг (>12 сар) тромбоцитопени гэж ангилна. [1] Анхдагч ITP – ийн үед тромбоцитопени нь бие даасан байдаг бол хоёрдогч ITP  - ийн үед бусад өвчнүүдтэй (HIV , SLE systemic lupus erythematosus гм ) холбоотойгоор үүсдэг. [2]

Тархвар зүй

Жил бүр ойролцоогоор 100.000 насанд хүрсэн хүн тутамд хүйсийн харьцаа нь тэнцүү 10 шинэ ITP  - ийн тохиолдол бүртгэгдэж байна. Нас ахимаг хүмүүст тохиолдол илүүтэй байна. [3] Хүүхдүүдийн  хувьд жил бүр 100.000 хүүхэд тутамд 5-6 тохиолдол бүртгэгддэг. [4] ITP – ийн үед өвчтний ялтас эсийн тоо >50.000/мм³ үед цус алдах нь ховор тохиолддог. Ялтас эсийн тоо < 10.000 - 20.000/мм³   болсон үед цус алдах төдийгүй амь нас эрсдэх эрсдэлтэй байдаг.